संस्थेबदद्ल

२०१६ पासून एक एक सभासद गोळा करत आज ब्राह्मण युनिटी चांगलीच नावारुपास आली आहे. ब्राह्मण फर्स्ट , या तत्त्वाला अनुसरुन ही चळवळ बळकट होऊ लागली आहे, ती तुम्हां सर्व सुजाण ब्राह्मण सभासदांमुळेच. पहिल्या वर्षी कोणताही कार्यक्रम नसताना सुद्धा केवळ काळाची गरज ओळखून सर्व सभासद या चळवळीशी बांधले गेले आहेत.जसजसा विश्वास वाढत गेला तसतसे युनिटीच्या अनेक सामाजिक व व्यावसायिक उपक्रमांना सुरुवात झाली. एका पाठोपाठ एक कार्यकर्ते या चळवळीशी जोडले जाऊ लागले. इतके महीने केवळ व्हाॕटसअॕप च्या पायावर उभी राहीलेली ही चळवळ श्री परशुरामांच्या आशीर्वादाने परिस्थितीची निकड ओळखून फेब्रुवारी २०१८ मध्ये सरकार दरबारी सेक्शन 8 मध्ये ब्राह्मण युनिटी फाउंडेशन या नावाने एक अधिकृत संस्था म्हणून कार्यरत झाली.ब्लड डोनेशन कॕम्प, वृक्षारोपण कार्यक्रम, नेत्रदान जागृती उपक्रम, Medical Checkup camps, दुर्गाशक्तिचा महापालिकेचा सामाजिक आरोग्य खात्याचा रेड डाॕट प्रोजेक्ट तसेच ब्रेस्ट कँन्सर अवेअरनेस उपक्रम, गिर्यारोहण आणि Sports Festival, वृद्धाश्रमात आणि अनेक सामाजिक संस्थात सांगितीक कार्यक्रम, दीपावली वार्षिक आनंदोत्सव संगीत कार्यक्रम.समाजातील गरजू व गरीब विद्यार्थ्यांसाठी सरस्वती फंड, गरजू शिक्षकांसाठी Distance Learning प्रोजेक्ट, कोकणातील पुरोहितांना शेती उपक्रमासाठी भांडवल पुरवणे, ब्राह्मण व्यावसायिकांसाठी छोट्या वं मोठ्या स्वरुपातील व्यावसायिक प्रदर्शने, , दीपावली फराळ विक्री, नागपुर येथे आठवडी बाजार, लहान मुलांसाठी व्यवसाय विक्री व प्रशिक्षण व प्रदर्शने , असे एक ना अनेक उपक्रम करतांना तुमच्या सारखे अनेक मदतीचे हात पुढे आले आणि या चळवळीला बळकट करु लागले आहेत. .